Bay Street Instinct Qorti, 'Bay Street' jipprotesta dwar kalendarju ta' nisa għarwenin
Awtur: Karl STAGNO NAVARRA
VALLETTA - Il-kumpannija li topera l-kumpless Bay Street f'San Ġiljan ippreżentat mandat ta' inibizzjoni fil-Qorti kontra Sunflower Promotions Ltd dwar it-tqassim jew bejgħ ta' kalendarju bin-nisa għarwenin. Dan peress li l-kumpless Baystreet jidher fl-isfond ta' wieħed mir-ritratti. L-operaturi ta' Bay Street qalu li saret taf b'kalendarju bl-isem Amour Calendar 2006 Scantily Clad View of Malta li qed jitqassam f'diversi ħwienet f'Malta. Huma sostnew li l-kumpless Bay Street għandu fama ta' post għall-familja kollha. Bay Street Holdings Ltd u Bay Street Hotel Complex Ltd qalu li matul is-snin bnew ċertu goodwill iżda l-kumpannija Ingliża li produċiet u ppubblikat il-kalendarju kienet qed tkisser din id-dehra tal-kumpless kollu. Jirriżulta li l-kumpless jidher fl-isfond ta' ritratt għax xahar ta' Frar 2006 u quddiemu tidher mara għarwiena. L-operaturi sostnew li l-aġir ta' min ippublika u qed iqassam il-kalendarju hu illegali u abbużiv u għalhekk talbu li jingħataw ħlas għad-danni li sofrew.  ¶ 8:20 AM